Posts

அதிகம் படிக்கப்பட்டது (Most Readed)

இஸ்லாமிய அரசுப் பயங்கரவாதம்; உளவுத்துறையின் வீழ்ச்சி

Image
ஒரு நாட்டினுடைய அரசாங்கம் மற்றும் பாதுகாப்புத்துறை தனது நாட்டையும், மக்களையும் பாதுகாத்துக் கொள்வதற்காக தேசிய பாதுகாப்பில் கண்ணும் கருத்துமாக கவனம் கொண்டிருக்க வேண்டியது மிக முக்கிய பொறுப்பாகும். அதிலும், குறிப்பாக மக்களை அழிக்கும் பயங்கரவாதச் சக்திகள் நாட்டுக்குள் நுழைந்து விடக்கூடாது என்பதிலும் மிகத் தீவிரமாகவிருக்க வேண்டும். ஆனால், எமது நாட்டில் அது முழுமையாக தோற்றுப் போயிருக்கின்றது. அத்தோல்வி, இன்று எங்கள் நாட்டு மக்களின் உயிரையும், சர்வதேச மக்களின் உயிரையும் பறித்து, இரத்தத்தின் சுவையைச் சுவைக்க வல்லூறுகள் போல்க்காத்திருந்த பயங்கரவாதிகளின் கொடூரமான இரத்த வெறியாட்டத்திற்கு வித்திட்டிருக்கின்றது. இலங்கையில் பேரினவாதிகளினால் மறுக்கப்பட்ட உரிமைகளுக்காக அன்று தமிழர்கள் ஆயுதம் தூக்கினார்கள். இதன், காரணமாக நாட்டில் 30-ஆண்டு காலம் கொடியயுத்தம் நடைபெற்றது. அவ்யுத்தம், 18.05.2009 அன்று முள்ளிவாய்காலில் முடிவுக்குவந்தது. யுத்தத்தின் போது, பல்லாயிரக் கணக்கிலான தமிழ் மக்கள் அரச படைகளினால் படுகொலை செய்யப்பட்டனர், சிங்கள, முஸ்லிம் இளைஞர்கள் உட்பட தமிழர்கள் பலர் காணாமல் ஆக்கப்பட்டனர், யுத்தத்த…

ஜிஆர் எனும் நிழல் அச்சம்!

Image
மீண்டுமொரு முறை இந்நாடு ஜனநாயகம் அற்ற பாதையின் வழியே பயணிப்பதற்கு உரிய சந்தர்ப்பம் ஏற்பட்டு விடக்கூடுமோ எனும் அச்சத்தை தாமரை மொட்டின் ஜனாதிபதி வேட்பாளர் தெரிவு சுட்டி நிற்கின்றது. இது ஒவ்வொரு சிறுபான்மை மக்களின் மனங்களிலும் - நீதியின் பக்கம் பக்கம் நிற்பவர்களின் மனங்களிலும் ஒருவித பயத்தை நிச்சயம் ஏற்படுத்தி விட்டிருக்கும்.

கோத்தாபய (ஜிஆர் - GR) ஜனாதிபதி வேட்பாளராக களம் கண்டிருப்பது அதிகப்படியான பெரும்பான்மை மக்களுக்கு எதிர்பார்ப்பு மிக்க மகிழ்ச்சியைக் கொடுத்திருக்கலாம். ஆனால் அதைவிட இரட்டிப்பாக தமிழ் மக்களிடையில் கவலை தொற்றிக் கொண்டிருக்கும். இல்லை - அதனை உணர்ந்து கொள்ளத் தொடங்கி விட்டோம் என்று சொன்னால் பொருத்தமாக இருக்கும்.

எனவே ஒருவேளை கோத்தாபய வெற்றி பெற்று விட்டால் நிச்சயம் அது தமிழ் மக்களின் உரிமைகளை பறிக்கும் காலமாகவே அமையும். மஹிந்தவின் ஆட்சியில், கோத்தாபய பாதுகாப்புச் செயலாளராக இருந்த காலப்பகுதியில் காணாமல் ஆக்கப்பட்டோருக்காக நீதி கோரி போராட முடியாத நிலை ஏற்படும். அது தொடர்பிலான வழக்குகள் காணாமல் ஆக்கப்படும். அதுபோல், இப்போது நடை பெறும் பௌத்த மயமாக்கலுக்கான எதிர்ப்பை காண்பிக்…

மரண தண்டனை

Image
அண்மைக்காலம் முதல் ஜனாதிபதி மைத்திரிபால சிறிசேன மரண தண்டனையை நிறைவேற்றியே தீருவேன் என்று கூறிக்கொண்டிருப்பதை நாம் அனைவரும் அவதானித்துக் கொண்டிருக்கின்றோம்.

தீவிர பாதிப்புக்களை ஏற்படுத்தக்கூடிய போதைப் பொருட்களை இளைஞர்கள் மத்தியில் விற்பனை செய்து இளைய சமுதாயத்தை அழிக்கும் கயவர்களான போதைப் பொருள் கடத்தல்காரர்களை தூக்கிலிட வேண்டும் என்பதில் மாற்றுக்கருத்து கிடையாது. ஆனால், இலங்கையின் சட்டம் காணப்படும் நிலையை பார்த்தால் தற்போது மரண தண்டனையை நிறைவேற்றவேது பொருத்தமற்றதாகவே இருக்கும்.

ஆரம்பத்தில், போதைப் பொருள் தொடர்பிலான குற்றவாளிகளுக்கு மரண தண்டனையை நிறைவேற்றுவேன் என்று ஜனாதிபதி கூறியபோது சரியான முடிவு என்றே கருதினேன். எனினும், எனது நண்பர் ஒருவர் "சட்டம் மற்றும் நீதித்துறை சரியாக இல்லாத நாட்டில் மரண தண்டனை நிறைவேற்றுவதை அனுமதிக்க முடியாது" எனக்கூறினார். அவரது கூற்றுப்படி சிந்தித்தபோது அது சரிதான் என்பதைப் புரிந்துகொண்டேன்.

இலங்கையின் நீதித்துறை எத்தகைய நிலையில் இருக்கின்றது என்பதை தமிழர்களுக்கு கிடைக்கப்பெறாத நீதியைவைத்து, காவல்த்துறையினரின் செய்பாடுகளை வைத்தும், நாம் முடிவுகட்டி…

வன்முறைப் போக்கு சிறுவர் மட்டத்திற்கு மாறுகின்றதா?

Image
இளைஞர்களிடையில் காணப்பட்ட அடிதடி வன்முறைப் போக்கு இப்போது மெதுமெதுவாக அவர்களிடமிருந்து சிறுவர்கள் மட்டத்திற்கும் மாறிச் சென்று கொண்டிருப்பதை அண்மையில் இடம்பெற்ற சம்பவம் ஒன்று சுட்டிக்காட்டியிருக்கின்றது. ஹட்டன் - தரவலைப் பகுதியில் அண்மையில் கிரிக்கெட் போட்டி ஒன்றின் பின்னணியில் ஏற்பட்ட முரண்பாடு காரணமாக சிறுவர்கள் உட்பட இளைஞர்கள் சிலருக்கு இடையில் சிறிய அடிதடி வன்முறைச் சம்பவம் ஒன்று பதிவாகியிருந்தது. அதில், கல்லினால் தாக்கப்பட்ட இரு இளைஞர்கள் காயமடைந்திருந்தனர். இது தொடர்பில் ஐந்து சிறுவர்கள் உட்பட 11 பேர் கைது செய்யப்பட்டனர்.

இச்சம்பவத்தின் சிசிடிவி காணாெளி எனக்கு கிடைத்திருந்தது. முதலில் தாக்குதலை சிறுவர்களே தொடக்கினர் என்பதை அவதானிக்க முடிந்தது. உண்மையில் இது மிகவும் வேதனைக்குரியது. இளைஞர்கள் பதிலுக்கு கற்களை கொண்டு தாக்கிய போதும், அவர்களைச் சிறுவர்கள் என்பதால் தாக்குவதில் தயங்கியதையும் அதன்போது காணமுடிந்தது. இல்லையேல் அது பெரும் ஆபத்தில் முடிந்திருக்கலாம்.

கல்வி கற்கும் வயதில் சிறுவர்களிடம் இத்தகைய வன்மச் சிந்தனை வளர்வதும், அதனைச் செய்து முடிப்பதும் அவர்களின் எதிர்காலத்தை மிக மோ…

சிந்தனையில் இனவாதம் இருந்தால் எதுவும் இனவாதமே

Image
முகநூலில் காணப்படும் குறிப்பிட்ட ஒருசிலர் நான் பதிவிடும் செய்திகளை வைத்து என்னை இனவாதியாக சித்திரிக்க முயற்சிப்பதை அண்மைக்கலமாக அதிகம் அவதானித்து வருகின்றேன். அண்மையில் "ஊடக விபச்சாரி" என்று பெயர் தந்தனர். நேற்று முன்தினம் ஒருபடி மேல் சென்று "இவன் எல்லாம் ஊடகவியலாளனா" என்று இழிவுபடுத்தியிருக்கின்றனர்.

எனது முகநூலில் நான் எனக்கு கிடைக்கும் மற்றும் ஏனைய ஊடகவியலாளர்கள், இணையத்தளம் மூலம் பெறும் பலதரப்பட்ட செய்திகளை சேகரித்த தகவல்களை கொண்டு உறுதி செய்து பதிவிட்டு வருகின்றேன். சில சந்தர்ப்பங்களில் தவறான செய்தியை பதிவிட்டால் கூட உண்மையை அறியும் போது அதனை மீளச் சுட்டிக்காட்டவும் செய்கிறேன். எழுதிய செய்தியில் இடம், விபரம் அல்லது வேறு விடயங்கள் தவறாக இருந்தாலும் அதனை சுட்டிக்காட்டும் போது அவற்றை அவதானித்து திருத்திக் கொள்வேன்.

ஆனால், முஸ்லிம்கள் சம்பந்தப்படும் செய்திகளை நான் எழுதினால் அவர்களைச் சார்ந்த சிலர் என்னை இனவாதியாக்கும் முயற்சிகளை தொடர்ந்தும் செய்து கொண்டிருக்கின்றனர். கைது இடம்பெற்றால் சந்தேகநபரின் பெயர், தேடுதல் அல்லது சம்பவம் நடந்த பகுதி - அண்டிய இடம் இவற்றை குற…

பயங்கரவாதத்தை தழுவி இரக்கமற்ற செயலை செயற்படுத்த ஆத்திரத்தை வளர்த்தனர்

Image
முன்னதாக, ஒன்பது தற்கொலைக் குண்டுதாரிகளும் பெயர்கள் அறிவிக்கப்படாமல் இருந்தனர். ஒருவாரத்தில் ஒவ்வொருவரையும் பொலிஸார் அடையாளம் கண்டுகொண்டனர். அதில் இருந்து, அவர்களது கதைகளும் வெளிப்பட ஆரம்பித்தது. அடிப்படைவாதப் போதகரும், குண்டுத் தாக்குதல்களின் தலைவனாகவும் குற்றம்சாட்டப்படுபவர் மொஹமட் சஹ்ரான் (33). அவரது சொந்த ஊரான கிழக்கு மாகாணம் - காத்தான்குடியில் அவர் சிறிது அங்கீகாரத்தை பெற்றவராக இருந்தார். முஸ்லிம் நகரங்களில் உள்ள பிரதான மசூதிகள் அவரை நிராகரித்திருந்தது. அவர், 2017ம் ஆண்டில் மோதல் ஒன்றினையடுத்து தப்பிச் செல்வதற்கு முன்னர் சஹ்ரானின் உறுப்பினர்கள், இஸ்லாமியம் பற்றிய அவரது விளக்கத்தை சவாலுக்கு உட்படுத்திய சக போதகர் ஒருவருக்கு எதிராக அதிகாரிளிடம் முறையிட்டனர். ஆனால், கொழும்பு மற்றும் மட்டக்களப்பில் உயிர்த்த ஞாயிறு தாக்குதல் நடவடிக்கைகளுக்காக இளம், ஆண்கள், பெண்கள் உள்ளிட்டோர் சிங்கள மக்கள் பெரும்பான்மையாக உள்ள பிரதேசங்களில் ஏனையவர்களுடன் இணைந்துகொண்டனர். அடிப்படைவாதிகள் பல்வேறு நேரங்களில், பல்வேறு காரணங்களுக்காக சமூக வலைத்தளம் மற்றும் நேரடியாவும் சஹ்ரானை தொடர்பு கொண்டுள்ளனர். குற்ற விச…

வடக்கில் தீவிர பாதுகாப்புச் சோதனைகள் ஏன்?

Image
நாட்டை உலுக்கிய சர்வதேச பயங்கரவாதத் தாக்குதல்களின் பின்னர், நாட்டின் பாதுகாப்பு நடவடிக்கைகள் பன்மடங்கு அதிகரிக்கப்பட்டுள்ளது. பயங்கரவாதிகள் பலர் கைது செய்யப்பட்டிருப்பதால் பாதுகாப்பு ஏற்படுத்தப்பட்டுவிட்டது என்று எண்ண முடியாது. எனவே, மீண்டுமொரு தாக்குதல் இடம்பெறுவதை தடுக்க தீவிரமான பாதுகாப்பு நடவடிக்கைகள் முன்னெடுக்கப்பட வேண்டியது அவசியமானதாகும். ஆனால், அது மக்களுக்கு அச்சத்தையும், அசௌகரியத்தையும் ஏற்படுத்தாத வகையில் இடம்பெற வேண்டும்.

ஆயினும், இப்பாதுகாப்பு நடவடிக்கைகள் வடக்கு மாகாணத்தில் தேவையற்ற முறையில் அதிகரிக்கப்பட்டிருப்பதை அசௌகரியங்களை எதிர்கொண்டவர்கள் மூலம் அறிந்து கொள்ள முடிகின்றது. இதனை, தெற்குடன் ஒப்பிடும்போது வடக்கில் கூடுதலாக நடைபெறுவதை உணரமுடிகின்றது. இது குறித்து, நேற்று பாராளுமன்றில், சேனாதிராஜா, டக்ளஸ், சிறிதரன் உள்ளிட்டோரும் அரசை கடுமையாகச்சாடி குற்றம் சாட்டியிருந்தனர்.

யாழ்ப்பாணத்தில் இருந்து கொழும்பிற்கு பேருந்தில் பயணம் செய்யும் போது ஆனையிறவு, ஓமந்தை உட்பட நான்கு இடங்களில் பயணிகளை இறக்கி அசௌகரியத்திற்கு உட்படுத்தும் வகையில் இராணுவச் சோதனைகள் முன்னெடுக்கப்படுகின்ற…

பால்குடிக் குழந்தைக்கு பொது மன்னிப்பு

Image
இந்நாட்டில் கடும் போக்காளர்களுக்கு காண்பிக்கப்படும் பரிவு எந்தப் பாவமும் அறியாத குழந்தைகளுக்கு காண்பிக்கப்படவில்லை என்பதை எண்ணிப் பார்க்கையில் மனதுக்குள் பெரும் துயரம் ஏற்பட்டுவிடுகின்றது. அதிலும், நாட்டின் தலைவரால் குழந்தைகளுக்கு பரிவை காட்ட முடியவில்லை என்றால் அதைவிடக் கொடுமை வேறொன்றுமில்லை.

இங்கு, ஆனந்தசுதாகரனை யாரெல்லாம் மறந்துவிட்டனரோ நான் அறியேன். ஆனால், அதனை இன்று மீண்டும் நினைவூட்டும் சந்தர்ப்பம் கிடைத்திருக்கின்றது. தாயை இழந்த நிலையில் 10 ஆண்டுகளாக சந்தேகநபராக சிறையில் அடைக்கப்பட்டுள்ள அரசியல் கைதி ஆனந்தசுதாகரன் பிள்ளைகள் கிட்டத்தட்ட 14 மாதங்களுக்கு முன்னர் (30.03.2018 அன்று) கொழும்பில் ஜனாதிபதியை சந்தித்து தமது தந்தையை விடுதலை செய்யுமாறு கோரிக்கை விடுத்தனர்.

அப்போது, தமிழ், சிங்களப் புத்தாண்டு அன்று தந்தையை விடுதலை செய்வேன் என்று ஜனாதிபதியால் உறுதிமொழி வழங்கப்பட்டது. ஆனால், இன்று வரையில் அனந்தசுதாகரனுக்கு விடுதலை கிடைக்கவில்லை. இத்தகைய சூல்நிலையில் நீதிமன்றை அவமதித்த குற்றத்திற்காக ஆறு ஆண்டுகள் சிறை தண்டனை விதிக்கப்பட்டும் சிறையில் அடைக்கப்பட்ட ஞானசார தேரர் சிறைக்கு சென்று …